Strona Barbary i Adama Podgórskich

Podgórscy w krzywym zwierciadle.

Wiersz Bronisława Wątroby z okazji… pełnoletności Adama Podgórskiego

Na gyburstag Podgórskymu

Kej gyburstag „scyzoryka”
Trza wpiyrw richtig mi porzykać
Niym łodwoża powinszować
Tako przed Adamym stować

Toż winszuja zdrowio dymba
Byś i kufle mog gryźć w zymbach
Szczyńścio w pszoniu i jurności
Wiela z tego durś radości

Sztyry setki ksionżek zocnych
Tyż czytanych w porach nocnych
Niych wydowcy Cie ścigajom
Zowdy tekstom Twojim pszajom

Szłoby tako szkryflać wiela
Dyć skiż tego sie wesela
W zymfciok gorzołeczka leja
Zdrowie! Zdrowie dobrodzieja!!!

Adam Podgórski. Biografio po Ślonsku.

Tyn chop nałonaczył kupa fajnistych ksiunżek, jest tyż dziynnikorzym, pstryko zdjyncia, jest KaOwcym, pierońsko zarobionym aktywistom. Wszyskigo się chyto, a potym się wyrobić niy może i się wnerwio. Dali mu pierwszo nagroda, jakoś Publicum, a gorole z Sandomiyrza dali mu tyż jakoś plakietka czy coś za robota na rzecz jakiegoś regionu. Ino niy wiadomo jakigo, bo sie nie chce prziznać.

We Internecie łobrali go dziynnikorzym od łobywateli, na jakiś wiadomościach24.pl. Chyba dali karlusowi, żeby już przestoł im tam durś pisać. Ale łon niy przestoł, nawet zaczoł pisać jeszcze wiyncyj, bez tuż mu już tam niczego niy dowajom.

Dali mu tyż nominacyjo do nagrody Dziennikorza Presu, ino jak dryndli do W24, i się dowiedzieli, wela łon pisze, to się pastli z nagrodą,  by ich artykułami zaciepoł.

Łon tych nagród mo wiycyj, ale pisać niy byda dalij, bo coś pisze, że informacje te som niyjawne.

Łod siebie dodomy, że to fest robotny karlus, wszyndzie go pełno. Po drzewach łazi, Stugi szuko, wszyskigo się chyto, a potym pieroni. Ale my go lubiymy, bo łon mo wielgie serce.

 

Życzenia urodzinowe dla Adama od rudzkich filatelistów. Świetne!